පොල් මල් කරවලා (මල්සරා)
- විද්‍යාත්මක නාමය :- Chrysopelea Ornata Sinhaleya
- සාමාන්‍ය දිග :- අඟල් 30ත් 50ත් අතර
- ශරීර වර්ණයන් :- රතු, කොළ, කහ, කළු සහ අළු පැහැතිය.
- ලෝකය පුරාම මොවුන්ගේ ප්‍රධාන උප විශේෂ 3ක් වාර්තා වෙයි.
- ශාක මත වාසය කරන ඉතාමත් කඩිසර සර්ප විශේෂයකි.
- ශ්‍රී ලංකාවේ ප්‍රධාන වශයෙන් තෙත් කලාපයේ හා අතරමැදි කලාපවල දක්නට ලැබේ.
- මද විෂ සහිත සර්පයෙකු වෙයි.
- නිතරම ගස් හා පඳුරු අතර වාසය කරයි.
ශරීර ලක්ෂණ
- සිහින් සිලින්ඩරාකාර හැඩයක් ගනී.
- හිස සාපේක්ෂව පැතලි ස්වභාවයක් ගනී.
- හැකිලුනු ගෙලක් සහිතයි.
- විශාල ඇස් තුළ රවුම් කණිනිකාවක් පිහිටා ඇත.
- කොළ පැහැයට හුරු ශරීර වර්ණයක් සහිතය.
- බොහොමයක් සර්පයින්ගේ ශරීර වර්ණය පෘෂ්ඨීයව කළු පැහැයක් ගන්නා අතර එහි හරස් අතට කහ පැහැති තිත් දැකගත හැක.
- ශරීරය මධ්‍යයෙහි රතු පැහැති තිත් දැකගත හැක.
- ශරීරයේ ඉදිරි කොටස ලා අළු පැහැයක් ගන්නා අතර සමහර අවස්ථාවල කහ පැහැති තිත් දැකගත හැක.
විශේෂ ලක්ෂණ
- උස ස්ථානයක සිට පහළ ස්ථානයකට පැනීමේ ඇති හැකියාවක් පවතී.
- ඉතා වේගයෙන් ගමන් කිරීමේ හැකියාවක් පවතී.
ආහාර
- හූනන්, වවුලන් ආහාරයට ගන්නා මොවුන්ට ඉගිලෙන කුඩා පක්ෂීන් පවා අල්ලා ගැනීමට හැකියාව පවතී.
බෝවීම
- මොවුන්ගේ බෝවීම බිත්තර මගින් සිදුවන අතර වර්ෂා සමයේ ගැහැණු සර්පයා වරකට බිත්තර 6ත් 12ත් අතර සංඛ්‍යාවක් දමයි.
මිහිමත තොරතුරු 